A do të përjashtohet Lulzim Basha nga PD? Përgjigjet Çlirim Gjata

Eksperti ligjor në PD, Çlirim Gjata u shpreh se Kuvendi i datës 11 dhjetor dhe referendumi ka shkarkuar nga kreu i PD-së Lulzim Bashën.

Ai tha se pala e Berishës nuk ka përjashtuar njeri, vetëm e kanë shkarkuar Bashën, ndërsa shtoi se janë shkarkuar ata që kanë marrë pjesë në Kuvendin e Berishës nga Basha.

“Kuvendi i datës 11 dhjetor dhe referendumi ka shkarkuar nga kreu i PD-së Lulzim Bashën, ndërsa është caktuar një komision deri në mars. Asgjë nuk është spontane pasi është caktuar edhe një statut. Nuk dalim ne të them se 5000 njerëz janë ulur në 2000 vende. Ne i kemi regjistruar elektronikisht delegatët tanë dhe shumë kollaj mund të dalim para përgjegjësisë penale. Ne nuk kemi përjashtuar njeri, vetëm e kemi shkarkuar atë. Ndërsa janë shkarkuar ata që kanë marrë pjesë në Kuvendin e Berishës. Ne nuk largojmë njeri”, tha Gjata për Ora News.