A do të ndalojnë protestat nëse shkarkohet Ardi Veliu? Përgjigjet drejtuesi i Lëvizjes Vetëvendosje në Tiranë

Drejtuesi i Lëvizjes Vetëvendosje në Tiranë, Boiken Abazi, teksa u pyet nëse do të ndalojnë protestat nëse shkarkohet Veliu, theksoi se çështja e drejtësisë nuk mund të kthehet në çështje negociatash.

“Thirrja për drejtësi për Klodianin nuk është vendosur në vend. Është shumë rëndësishme që çështjen e drejtësisë mos ta kthejmë në çështje negociatash. Nuk negociohet, drejtësia por duhet vendosur në vend. Pra është e padrejtë të thuhet ‘po të largohet Ardi Veliu, a do të ndalen protestat’. Protestat janë një e drejtë e qytetarëve”, – u shpreh ai për Euro News.