Egzoni flet për herë të parë pas humbjes së Laurentit

Kanë kaluar disa javë nga ndarja nga jeta e Laurent Krasniqit, por dhimbja për humbjen e tij vazhdon të jetë e pranishme te njerëzit e afërt.

Miku i tij, Egzon Sahiti, i cili pas kësaj humbjeje është tërhequr nga aktiviteti që kishte në rrjetet sociale, ka reaguar së fundmi ndaj një mesazhi të një ndjekësi.

Në mesazhin e tij, ndjekësi e ka inkurajuar Egzonin që, me kalimin e kohës, t’i rikthehet përditshmërisë dhe përmbajtjeve që sillte më parë.

Egzoni është përgjigjur shkurt, por ka ndarë një mesazh të ndjerë për atë që po përjeton:

> **“Dhimbja është e madhe, sepse bashkë me të mbetën në gjysmë edhe shumë ëndrra, plane e momente që duhej t’i jetonim bashkë.”**

Laurenti u nda nga jeta në fillim të shtatorit. Miqësia e tij me Egzonin ishte e njohur edhe për publikun, pasi dyshja shfaqej shpesh së bashku në rrjetet sociale.

Në reagimin e tij të fundit, Egzoni ka treguar se përveç momenteve që kishin ndarë së bashku, me Laurentin kishin edhe plane dhe ëndrra që nuk arritën t’i realizonin.

Ky është një nga reagimet e para të tij publike ku ai flet drejtpërdrejt për dhimbjen dhe boshllëkun që i ka lënë humbja e mikut të tij.