Ambasada e Shteteve të Bashkuara të Amerikës në Kosovë ka përkujtuar rreshterin e Policisë së Kosovës, Afrim Bunjaku, i cili u vra gjatë sulmit të armatosur në Banjskë të Zveçanit, më 24 shtator 2023.
Në reagimin e saj, ambasada amerikane ka shprehur solidaritet me Kosovën në përkujtimin e rreshterit Bunjaku dhe ka përsëritur thirrjen për vënien para drejtësisë të personave përgjegjës për sulmin.
> “I bashkohemi Kosovës në nderimin e pjesëtarit të Policisë së Kosovës, Afrim Bunjaku, i cili u vra në krye të detyrës gjatë sulmit në Banjskë në shtator të vitit 2023. Përsërisim thirrjen tonë që autorët të vihen para përgjegjësisë”, thuhet në reagimin e ambasadës amerikane.
Më 24 shtator shënohen tre vjet nga sulmi në Banjskë, gjatë të cilit mbeti i vrarë rreshteri Afrim Bunjaku.
Sulmi ndodhi më 24 shtator 2023, kur një grup i armatosur sulmoi pjesëtarët e Policisë së Kosovës në fshatin Banjskë. Në përleshjen e armatosur mbeti i vrarë rreshteri Bunjaku.
Për sulmin, institucionet e Kosovës kanë fajësuar grupin e armatosur të udhëhequr nga Milan Radoiçiq, ndërsa autoritetet në Kosovë kanë kërkuar vazhdimisht që personat përgjegjës të përballen me drejtësinë.
Tre vjet pas ngjarjes, çështja e përgjegjësisë për sulmin në Banjskë vazhdon të jetë një nga temat e rëndësishme në marrëdhëniet ndërmjet Kosovës dhe Serbisë.
Diskutime rreth kësaj post