Ngjarje e rëndë në kryeqytet/ 49-vjeçari humb jetën pas plagosjes me th1kë

🚨 Tiranë – Humb jetën 49-vjeçari i plagosur me thikë pranë Liqenit Artificial

Një ngjarje e rëndë është regjistruar mbrëmjen e sotme në Tiranë, ku një 49-vjeçar ka humbur jetën pasi u plagos me mjet prerës.

Sipas informacioneve të konfirmuara nga Policia e Tiranës, viktima Kreshnik Cara, pavarësisht ndihmës mjekësore të marrë në spital, nuk ka mundur t’u mbijetojë plagëve të marra.

Ngjarja ndodhi në zonën e rrugës “Marko Boçari”, pranë Liqenit Artificial dhe afër gjimnazit “Sami Frashëri”. Dyshohet se viktima është përfshirë në një konflikt fizik me një person tjetër, ku më pas është përdorur një mjet prerës.

Policia ka shoqëruar dhe arrestuar të dyshuarin, një 50-vjeçar banues në zonë, ndërsa grupi hetimor vijon punën për zbardhjen e plotë të rrethanave dhe përcaktimin e përgjegjësive ligjore.

⚖️ Autoritetet vijojnë hetimet dhe çdo informacion i mëtejshëm do të bëhet publik nga burimet zyrtare.