Lajm i rëndë nga Çairi: Ndërron jetë 13-vjeçari i plagosur në një përleshje
Ka ndërruar jetë 13-vjeçari i cili ishte plagosur rëndë me thikë gjatë një përleshjeje në rrugën “Brigada Maqedono-Kosovare” në Çair.
Ngjarja kishte ndodhur në fillim të muajit shtator. Sipas informacioneve, në përleshje kanë qenë të përfshirë pesë persona, katër prej tyre të mitur dhe një person madhor. Gjatë incidentit dyshohet se janë përdorur thika dhe shkopinj bejsbolli.
13-vjeçari, i cili kishte marrë plagë të rënda gjatë përleshjes, fatkeqësisht nuk ka arritur t’u mbijetojë plagëve.
Rastin po e trajtojnë autoritetet kompetente, ndërsa rrethanat e plota të ngjarjes pritet të bëhen të ditura pas përfundimit të hetimeve.
Diskutime rreth kësaj post