“Bota është vetëm një hap larg nga një luftë shkatërruese bërthamore”. Kështu është shprehur Sekretari i Përgjithshëm i OKB-së, Antonio Guterres teksa shtoi se aktualisht ne ndodhemi në një rrezik që nuk është parë që nga Lufta e Ftohtë.
“Ne kemi qenë jashtëzakonisht me fat deri më tani. Mes tensioneve globale në rritje, njerëzimi është vetëm një hap larg asgjësimit bërthamor. Tensionet ndërkombëtare po arrijnë kulme të reja”, tha ai.
Paralajmërimet e zyrtarit të lartë të OKB-së erdhën në hapjen e një konference për vendet e nënshkruara në Traktatin e Mospërhapjes bërthamore.
Marrëveshja e vitit 1968 u prezantua pas krizës së raketave Kubane, një ngjarje që shpesh portretizohet si më e afërta që bota i ka ardhur ndonjëherë luftës bërthamore.
Traktati ishte krijuar për të ndaluar përhapjen e armëve bërthamore në më shumë vende dhe për të ndjekur qëllimin përfundimtar të çarmatimit të plotë bërthamor.
Pothuajse çdo komb në Tokë ka nënshkruar marrëveshjen. Mgjithatë India, Izraeli, Koreja e Veriut dhe Pakistani refuzojnë të nënshkruajnë këtë marrëveshje edhe pse këto vende janë njohura ose të dyshuara për armë bërthamore.
Diskutime rreth kësaj post