Ilir Meta jep alarmin: Kjo është e papranueshme dhe me pasoja të rënda

Presidenti Ilir Meta ka dhënë alarmin në lidhje me krimin mjedisor në plazhin e Spillesë në Kavajë. Meta shkruan se një gjë e tillë është e papranueshme.

Deklarata e Metës:

“E papranueshme dhe e dënueshme ligjërisht situata e rëndë mjedisore, në prag emergjence, e shkaktuar nga mbeturinat në qendrat urbane dhe përgjatë bregdetit të Adriatikut, veçanërisht në kulmin e sezonit turistik.

Ky krim mjedisor, me pasoja të rënda për shëndetin e banorëve dhe të turistëve, për florën e faunën dhe që dëmton imazhin e Shqipërisë, meriton ndërgjegjësim dhe reagim të menjëhershëm efektiv të pushtetit vendor dhe të institucioneve përgjegjëse për mbrojtjen e mjedisit, si dhe ndëshkim nga drejtësia”, shkruan Meta.