“Kjo është seancë e turpit e këtij Parlamenti të korruptuar, një estradë”, deputeti del me deklaratën e fortë para votimit për shkarkimin e Metës

Sot Kuvendi voton për shkarkimin e presidentit Ilir Meta, por deputeti Lefter Maliqi ka deklaruar qëndrimin e tij kundër. Maliqi, i cili ishte pjesë e listës së Lëvizjes Socialiste për Integrim për qarkun e Beratit nuk i ka kursyer akuzat ndaj kolegëve, duke e krahasuar Kuvendin me një estradë.

“Sot është seancë e turpit të këtij parlamenti të kapur dhe të korruptuar, siç ka bërë për arritjen e masakrave elektorale, sic bëri kur votoi ligjin antikushtetues për KCK. Dua të them që kjo është një seancë qesharake, argëtim, estradë. Është gjykata kushtetuese ajo që vendos, jo më parlamenti pasi ata tashmë votat i kanë”, – tha Maliqi.