“Ai ka frikë të dalë në debat”, Edit Harxhi bën deklaratën e fortë, zbulon marrëveshjen e Bashës me Ramën

Kandidatja për kreun e PD-së, Edit Harxhi u shpreh mbrëmjen e djeshme në emisionin ‘PolitikOn’, se ka zëra që thonë se kandidatët e tjerë po legjitimojmë garën e Bashës, por theksoi nuk është e vërtetë.

Ajo tha se Basha është strukturë e kastës së vjetër në mendësi, sepse dalja në debat është një mendësi dhe provë para elektoratit.

“Ka zëra që thonë se ne po legjitimojmë garën e Bashës, por nuk është e vërtetë sepse ai nuk e ka menduar se mund të dilte një garë kaq e ngushtë. Basha nuk del me ne të përballet sepse, pavarësisht se shfaqet si një person me një qasje perëndimore, por nuk është i tillë.

Mendoj se Basha është strukturë e kastës së vjetër në mendësi, sepse dalja në debat është një mendësi dhe provë para elektoratit. Edhe sfida për Ramën për debat televiziv ishte një gjë që nuk ishte serioze, ishin marrë vesh se nuk do ta bëjnë një gjë të tillë. Unë i kam kërkuar edhe kandidatëve të tjera në debat.”, – tha Harxhi.