Deputeti i zgjedhur i PD-së, Belind Këlliçi ka komentuar sot për emisionin ‘Breaking’ zhvillimet më të fundit që po ndodhin brenda selisë blu.
I pyetur për ndryshimin e datës së zgjedhjes nga 22 korrik në 13 qershor, Këlliçi tha se është datë brenda afateve.
“Është brenda afateve, njëherë në katër vite duhet të organizohen zgjedhjet për kryetarin e Partisë Demokratike. Kjo datë është më mirë, duke qenë se edhe zhvillimet janë shumë të vrullshme”, – tha ai.
Sipas Këlliçit, deri ditën e shtunë, të gjithë kanë mundësi që të shpallin kandidaturën për kryetar të PD-së.
“Ditën e diel, më 23 vendoset se kush do jenë kandidaturat dhe më pas nis fushata. Ndryshimi i datës është thjesht çështje teknike”, – tha Këlliçi.
Ndërsa i pyetur nëse ka ndonjë tjetër që ka shprehur dëshirën për të hedhur kandidaturën, përveç Fatbardh Kadillit, Këlliçi tha “jo”.
“Deri më tani e ka shprehur publikisht dëshirën Kadilli, dhe sigurisht që është edhe zoti Basha”, – tha ai, duke shtuar se gara është e barabartë për zgjedhjen e kryetarit të PD-së.
Ndërsa duke komentuar dorëheqjen e disa anëtarëve të Partisë Demoratike, Këlliçi u shpreh se janë vendimmarrje personale
Më pas Këlliçi u shpreh se njerëzit nuk duhet të merren me largimin e Bashës apo dikujt tjetër, pasi çështja kryesore janë zgjedhjet e manipuluara.
“Të gjitha faktet i kemi bërë publike, i kemi dërguar në SPAK. Kemi qindra materiale në KAS dhe KQZ, e ne presim një reagim. Kemi depozituar kallëzime të shumta. Unë kam pritur që minimumi që institucionet ligjzbatuese të reagonin, të kërkonin fakte, të na tregonin se po gabojmë. Ka kaluar një muaj nga kallëzimet tona e asnjë përgjigje nuk kemi marrë”, – tha Këlliçi.
Diskutime rreth kësaj post