Presidenti i vendit, Ilir Meta, njoftoi ditën e sotme një tjetër konferencë urgjente për mediat. Meta në fjalën e tij shprehet se ka pesë pyetje për prokurorinë e Elbasanit në lidhje me ngjarjen tronditëse ku mbeti një person i vrarë dhe katër të plagosur.
Meta me tone të larta bën thirrje organeve kompetente që kjo ngjarje e rëndë duhet të zbardhet menjëherë në orët dhe minutat në vijim. Presidenti Meta i ka drejtuar 5 pyetje kreut të prokurorisë së Elbasanit.
Pyetjet e Metës:
“1. Z. prokuror pse është vonuar administrimi i materialit kallëzues të PD? Pse z. Bardhi si kallëzues është thirrur për t’u paraqitur vetëm në datën 30 prill.
2. Si mund të ndihmojnë këto veprime hetimore kaq të ngadalta me vetëdije parandalimin e krimit zgjedhor në Elbasan.
3. Pse duhet që z. Bardhi të paraqitet më 30 prill, pra 5 ditë pas zgjedhjeve, dhe jo urgjentisht?
4. Pse duhet z. Ajazi kjo vonesë kaq e madhe? A kandidon për deputet në këto zgjedhje si kandaidat i PS në Elbasan vëllai juaj? A ndiheni ju në përmbushjen e detyrës suaj në konflikt të pastër interesi? A keni vlerësuar ndonjëherë të dorëhiqeni apo të transferoheni nga aty?
5. Zotërinj prokurorë të Elbasanit, a ju vret ndopak ndërgjegjja, që ndodhi përplasja me armë dhe përgjakja në qytetin e Elbasanit, më 21 prill?”-thote ai.
Video:
Diskutime rreth kësaj post