Avokati i njohur Spartak Ngjela është shprehur se fitorja e kryeministrit Rama nuk ka lidhje me të, por me Partinë Socialiste. Sipas Ngjelës është shumë e vështirë ta mundësh PS-në.
“Rama do të fitoje por fitorja e tij nuk ka lidhje me Ramën. Ka lidhje me Partinë Socialiste. Për të mundur Partinë Socialiste këtu unë e di çfarë kam hequr në 2005-ën. Gjithë problemi është që kryengritja e ’97-ës, dëmtoi shumë shpresën dhe optikën e djathtë në Shqipëri. Do thuash ti e ka marrë veten. E pashë në 2005-ën. Vështirësi e tmerrshme, e llahtarshme. Dhe ka arsye politike sepse PS-ja është një parti që konkurron në veri njësoj si në jug. Kurse kjo tjetra jo, sepse kështu e ka bërë doktor Saliu.
Dhe Tirana nuk është e djathtë, sepse është e zhgënjyer nga ajo. E djathta është shumë kapriçoze dhe këta nuk janë përfaqësues të së djathtës. PD-ja ka vota në të gjithë Shqipërinë, por nuk ka program dhe nuk ka sjellë fytyrat që do e djathta. Nuk ka sjellë profilin e djathtë. Kush është e djathta? E djathta kërkon përfaqësuesit e saj që të votojë” – ka deklaruar Ngjela.
Diskutime rreth kësaj post