Ipeshkivi i Dioqezës së Rrëshenit, Dom Gjergj Meta, i ftuar në rubrikën “Opinion” ka përsëritursërish mesazhin që Kisha Katolike e Shqipërisë, përmes tij, përcolli për zgjedhjet e 25 prillit. Ai tha se shit-blerja e votës është fenomeni më shqetësues dhe shtoi se kjo gjë duhet të luftohet.
Dom Gjergj Meta deklaroi se në zona të thella rurale, njerëzit zgjedhin për të shitur votën në këmbim të parave, pasi janë të mendimit se nuk do të fitojnë më asgjë në katër vitet e ardhshme. Dom Gjergj Meta sakaq, bëri thirrje që korrupsioni institucional, shit-blerja e votës të luftohen, duhet angazhimi i të gjithëve dhe e gjithë shoqëria të bëhet bashkë.
Deklarata e Dom Gergj Metës:
“Në zgjedhje ne mundohemi të dalim me një deklaratë, si një mënyrë për të thënë fjalën tonë për zgjedhjet, por edhe theksuar detyrën morale dhe të drejtën që kanë besimtarët, në këtë rast besimtarët katolikë, për të votuar. Sipas kishës, votimi është një e drejtë morale”, u shpreh Dom Gjergj Meta.
Diskutime rreth kësaj post