Një valë e re e të ftohtit polar do të përfshijë vendin, paralajmërojnë meteorologët: Ja çfarë na pret në ditët në vijim

Vetëm edhe sot dhe nesër pritet të jemi nën ndikimin e masave ajrore të ngrohta nga Mesdheu, ndërsa nga e mërkura një valë e re e të ftohtit polar do të përfshijë Ballkanin, por kjo valë e të ftohtit nuk pritet të jetë e fuqishme sikur ajo e kaluara.

Sipas Meteoballkan, gati gjatë tërë javës pritet të jemi nën ndikim e masave ajrore të paqëndrueshme ciklonike, ndërsa në Atlantik, Britani, Rusi dhe Skandinavi kemi ekspansion të fuqishëm anticiklonik dhe pikërisht kjo gjendje sinoptike favorizon mot të paqëndrueshëm dhe të ftohtë në rajonin tonë.