“Ke ardhur në Kuvend duke gjuajtur me kova partinë tënde”, Murrizi shpërthen ndaj ministres Spiropali dhe nuk i lë gjë pa thënë

Pas deklaratës së ministres Elisa Spiropali në lidhje me koalicionet e formuara për zgjedhjet e 25 prillit, ka ardhur reagimi i fortë i deputetit opozitar Myslim Murrizit.

Teksa theksoi se ai ka ardhur vet në Kuvend me kontribut, Murrizi ironizoi Spiropalin duke i thënë se ajo ka ardhur duke qëlluar me kovë partinë e saj.

“Ti ke ardhur në këtë sallë duke i gjuajtur partisë tënde me kova nga lëvizja Mjaft, Unë kam ardhur si kontribuues në këtë sallë. Unë zonja Spiropali i shkoj shqiptarëve dhe nuk e mbaj kokën mbrapa. Unë habitem sepse ju keni qeverinë me një pjesë të tyre.

Unë nuk marr përsipër të jemi qeveria e Enver Hoxhës. Ne bëjmë denoncime. Të garantoj o Elisë se do i marr votat. Unë dëgjoj edhe andej, ku je gocë dhe atje ku ke shkuar nuse. E di çfarë thoni ju”, – tha Murrizi.