Darka në Dubai e ministrave dhe disa zyrtarëve dha shkaktuar një debat mes gazetarit Bledian Koka dhe analistit Frrok Çupi.
Shkak u bë deklarata e Çupit, sipas të cilit ata që u mrekulluan nga ajo darkë janë shtresë e ulët.
Pjesë nga debati në studio:
Bledian Koka: Unë futem te ato shtresat e ulta që janë prekur shumë. Por më shumë si pjesë e ulët, jam prekur si gazetar.
Frrok Çupi: Po të jesh gazetar, nuk je shtresë e ulët Bled. Mos ja fut kot…
Bledian Koka: Kur prezantoi Fredi në fillim, ai tha ti je gazetar. Ti je, si me thënë, profesori jonë, apo jo? Kur flasim për qytetarët tanë është e pafalshme të përmendim “shtresë e ulët”, “shtresë e mesme”…
Frrok Çupi: Po e ka filozofia politike në të gjithë botën…
Bledian Koka: Ne nuk jemi filozofë, jemi gazetarë. Ne, madje madje, më shumë se me shtresën e lartë, kontaktin dhe qasjen e kemi me atë që ti e konsideron “shtresë e ulët”. Termi i përdorur është shumë i gabuar. Dhe meqë fole për shtresën e ulët, unë jam pjesë e saj…
Frrok Çupi: E gëzofsh atëherë, e gëzofsh…
Bledian Koka: Përpara se të shkojmë të diskutojmë emocionet e shtresave të caktuara, të bëjmë pak gazetarin për një sekondë. Unë në 17 dhjetor kam publikuar në median ku punoj, Syri TV, draft-ligjin që ka bërë gati qeveria për ti falur praktikisht Portin e Durrësit kompanisë…
Frrok Çupi: Na i identifiko atëherë meqë e more përsipër, si sociolog që je…
Bledian Koka: Ta identikosh ti se unë thashë që jam pjesë e shtresës së ulët.
Frrok Çupi: Të gjitha ata që u mrekulluan me atë lajm, janë shtresë e ulët.
Bledian Koka: Më lejo pak të të tregoj si reagon shtresa e ulët në Gjermani, në mediat ndërkombëtare dhe në ndonjë vend tjetër po të doni. Bayern Munchen kia gjobitur Franck Ribery vetëm se ka dalë dhe ka bërë një video pikërisht te restoranti i Nusretit. E ka gjobitur për sjellje të pahijshme, pasi sipas Bayern Munchen, jo një shtet por një skuadër e një vendi si Gjermania, është e pakonceptueshme që ti të reklamosh luksin e shfrenuar. Ne duhet të kemi të paktën moralin e Bayern Munchen.
Tjetër. Mediat ndërkombëtare, të cilat i referohemi, e kanë masakruar Nicola Maduron, presidentin e Venezuelës, kolegun e Edi Ramës, sepse edhe ai ka shkuar te Nusreti. Ndërkohë që populli i tij vdiste për bukë atje, ku shëllihej dhe hante darka te Nusreti. Ashtu siç kanë bërë edhe këta sheikët tanë.
Frrok Çupi: Ke një televizion. Shko investigoje. Mos thuaj të pavërteta se helmon njerëzit. Për një darkë.
Diskutime rreth kësaj post