Shtohen divergjencat brenda Partisë Demokratike. Marrëdhëniet mes Lulzim Bashës dhe Sali Berishës nuk janë fort të mira dhe ai që e tregon fare qartë këtë është Genc Ruli, i cili ka shtuar dozën e mesazheve për Sali Berishës, se ka ardhur fundi i tij politik.
Dje ai i ka dërguar mesazhin e tretë ish-liderit demokrat, duke thënë se koha e tyre ka përfunduar në jetën politike aktive.
“Në ndryshim nga 2005, ku aksioni im quhet rikthim në PD, se më larguan dhe u riktheva. Unë nuk jam rikthyer, nuk i jam rikthyer politikës. Në 2017 nuk jam përzënë, u dorëhoqa. Dorën në zjarr nuk vë. Unë kam deklaruar vetë që jam dorëhequr. Padyshim pas humbjes isha kritik. Kështu që, edhe me Berishën, unë e kam nisur frazën duke shpjeguar vetëm, kur më është kërkuar për Berishën kam thënë boll më ne, elita jonë. Kemi plot lavdi për t’u prehur në qetësi, Shqipëria ka nevojë etike për të ndërruar elitat. Jemi i vetmi vend ish-komunist me të njëjtën elitë politike”, – tha ai.
Ruli ka treguar se si ka ndodhur në Poloni, Hungari, Rumani e vende të tjera ku klasa politike ka ndryshuar disa herë. Ndërsa në vendin tonë kemi të njëjtët njerëz prej 30 vitesh.
“Berisha e ndihmon Bashën shumë për votat e demokratëve, tek elektorati gri nuk e tërheq. Si një kalkulim, Berisha s’ka pse vesh kostumin e politikanit, është idhull i PD. Rrezaton edhe sikur telefonin të ngrejë. As Basha vetë nuk mjafton. Mendoj që Basha që 2 muaj më parë të ishte portret kolektiv në daljet publike. Secili nga ne kishte segmentin e tij që e tërhiqte ai, por tjetri kishte një segment tjetër. Ma do mendja PD duhet të nxjerrë ekipin kryesues, drejtuesit politik të qarqeve apo kandidatët nr.1. Basha duhet të shkojë të prezantohet me ta. Berisha në 2009 s’ka bërë ndonjë dalje pa 5-6 ministra apo ekipin”, tha Ruli.
Futja në politikë
Ish-deputeti dhe ministri i PD, Genc Ruli i ftuar në emisionin “Real Story” të Sokol Ballës ka kujtuar fillimet e partisë që përfaqësoi ai prej vitesh, dje në Ditën e Rinisë. Ruli bën një krahasim me dy prej themeluesve më të rëndësishëm të PD, Gramoz Pashkos dhe Sali Berishës. Ai thotë se Pashko pati një shkëlqim si meteor edhe pa qenë lider, teksa thekson se atë turma e dëgjonte dhe e simpatizonte teksa edhe mediat e huaja e shihnin si lider atë. Nga ana tjetër sipas Rulit Pashkos i mungonte vetëdisiplinimi ekstrem i vetes dhe ishte kozmopolit, kurse nga ana tjetër ishte Sali Berisha që vinte nga një element tradicional.
“Rianalizoj dhe vetë, Gramozi pati shkëlqimin e një meteori. Ai padyshim u bë figura që e zaptoi më shumë, për një arsye, ishte më larg dhe po e shihnim me besim te PD, ky po konfigurohej. Kur bëhen më vonë votimet brenda Kryesisë, Gramozi s’ka qenë kandidat. Gramozi ishte nxitësi i shpirtit dhe i mëndjes. Gramozin njerëzit, apo turmat e donin, e dëgjonin, e simpatizonin. Konkurronte dhe Berisha. Gramozi kishte një avantazh, kishte referencën e mediave të huaja. Ai ishte një ndër liderit. Në momentin që do kristalizohej struktura e PD, ai kishte përveç këtyre cilësive të papërsëritshme të karakterit, temperamentit ishte problemi, a e kap dot enzimën e fundit për lider. Elementi i parë është vetëdisiplinim ekstrem i vetes, Gramozi nuk e kishte. Mendoj që Sali Berisha vinte nga një element tradicional, kurse Gramozi ishte kozmopolit”, tha Ruli.
Diskutime rreth kësaj post