Ish-ministri i Drejtësisë, Ylli Manjani ka dalë me një reagim të fortë në lidhje me akuzat që qeveria po hedh ndaj kryedemokratit Lulzim Basha, si i përfshirë në hetimet për ‘Shtëpinë e Verdhë’.
Manjani shkruan se Basha gjatë fushatës elektorale do të shpallet ‘kriminel lufte’ e ‘trafikant organesh, ndërsa heronjtë e UÇK-së gjenden në Hagë.
Postimi i plotë:
“Kështu pra i doli koka muhabetit. Vëllai i madh Alexandar po i jep një dorë elektorale shokut Rama.
Me rastin e akt-akuzave ndaj UÇK, ngrihet dhe “akt-akuza” politike ndaj Lulzim Bashës. Ky i fundit tashmë do shpallet “kriminel lufte”, “trafikant organesh”, pronar i “shtëpisë së verdhë” deri sa të mbarojnë zgjedhjet
Mekanizmi i njohur tashmë:
Taulanti bën një komision hetimor parlamentar, mediat përreth botojnë dëshmi të sajuara (sajojnë shërbimet e fshehta sa të duash nga këto), bëhet zhurmë e madhe dhe fap…., vijnë zgjedhjet.
Kështu ne merremi me “krimet e luftës” të Lulit që i paska bërë si asistent i UNMIK. Harrojmë që Rama duhet të japë llogaro dhe jo të kërkojë llogari.
Ndërkohë që UÇK gjendet në Hagë ushtarët e Alexandarit, mikut të shokut Rama, bëhen heronj!!!!
Ja ku u rishkrua dhe historia e Ballkanit. Ky i fundit 2 lidera ka, Alexandarin dhe Ramën. Të tjerët janë automatikisht “kriminelë lufte” ose “të korruptuar”, të cilët i zë Haga ose reformat në drejtësi.
He ta lumsha o shqipe!
Për pushtet shet çdo gjë! Atdheun të parin..” – shkruan Manjani.
Diskutime rreth kësaj post