Kryeministri Rama teksa ka folur nga ‘5 Maji’ për procesin e Rindërtimit, u shpreh se qeveria reagoi në kohë, dhe tashmë po punohet që vendi të jetë dhe më mirë nga sa ishte para tërmetit.
“Sot procesi i Rindërtimit hyn në një fazë të re, me çeljen e kantierit të parë të madh të kryeqytetit, që nuk janë thjesht një përgjigje për familjet që humbën strehat e tyre, por reagim për një krizë që është shkaktuar nga natyra në funksion të së ardhmes.
Ka dy mënyra për ta përballuar një krizë, e para është për ta përballur si një shfaqje të momentit, dhe për ta kuruar plagën momentalisht, dhe e dyta për ta parë si një mundësi për tu ngritur më lartë, sesa ishim para se kriza të shfaqej.
Nëse populli thotë të këqijat nuk vijnë vetëm për keq, kjo e keqe ishte shumë e madhe për ato familje që humbën fëmijët e tyre, dhe më pas për të gjithë ata që humbën strehën, por e rëndësishme është që ne po ngrihemi më lart sesa ishim para se kjo të ndodhte. Kjo zonë do të jetë kënaqësi që të jetosh, dhe nga ana tjetër vlera e pasurisë së patundshme do të jetë shumëfish më e lartë nga sa është sot këtu”, – tha Rama.
Diskutime rreth kësaj post