Kreu i Partisë Demokratike Lulzim Basha ka shuar çdo dyshim duke thënë se nuk do të ketë bashkëqeverisje me kryeministrin Edi Rama. Në një intervistë televizive, Basha ngriti tonet kur u përmend bashkëqeverisja dhe tha se në emrin e Opozitës së Bashkuar, në emrin e tij personal, nuk ka dhe në asnjë lloj forme, nuk do të ketë bashkëqeverisje.
Edhe nëse kushti për të zbatuar planin me pesë pika të ndihmës ekonomike, që ka hartuar Basha, dhe që sipas tij ndihmon njerëzit, sërish kryedemokrati, nuk do të bashkohej me Ramën. Madje, Basha shtoi se dosjet e kryeministrit Rama janë gati dhe se pas 25 prillit, ai do të shkojë në duart e drejtësisë.
“Nuk ka, nuk ka shanse dhe nuk do të ketë aspak bashkëqeverisje me kryeministrin Edi Rama. Në emrin tim personal, në emër të Partisë Demokratike, në emër të Opozitës së Bashkuar, nuk do të ketë. Nuk mund të bashkohesh me një njeri që ka shkatërruar vendin. Edhe nëse do të zbatohej, nuk do ta bëja këtë gjë. Ky është një zotim. Dosjet e Ramës janë gati dhe ai do të përfundojë përpara drejtësisë”, tha Basha ndër të tjera.
Diskutime rreth kësaj post