Deputeti Lefter Maliqi del me thirrjen e fortë dhe tregon çfarë do të ndodhë në pranverë: Parlamenti është i mbushur me të paaftë

Pas thirrje që bëri dje për të rrethuar Kuvendin dhe për ‘t’i hedhur në kosh deputetët’, Lefter Maliqi ka reaguar sërish përmes një statusi në rrjetet sociale.

Maliqi shkruan se populli duhet të marrë në dorë fatet e demokracisë dhe të ardhmes europiane të vendit. Ndërsa paralajmëron se pranvera e ardhshme do të jetë stina e shqiptarëve dhe jo e krimit, oligarkëve dhe banditëve të qeverisë.

“Kjo duhet te ndodh, populli te marre ne dore fatet e demokracise dhe te ardhmes Europiane te vendit. Listat e hapura 100% domosdoshmeri .Deputeti duhet te zgjidhet nga populli. Parlamenti aktual eshte mbushur me te paafte, servil,t e korruptuar dhe pa integritet. Pranvera e ardhshme duhet te jete stina e Shqiptareve dhe jo më e krimit, oligarkeve dhe banditeve ne Qeveri, Parlament dhe ne cdo drejtim institucionesh te kapura.”, – shkruan Maliqi.