Ish kreu i KQZ, Kristaq Kume thotë se ndryshimet në kodin Zgjedhor duhet të bëhen me dakordësi të palëve.
“Opozita është e gatshme të hapë 100% listave dhe për balancim gjinor. Palët nuk janë dakord në parim për këtë pjesë dhe prandaj duhet t’i drejtohemi ekspertëve të OSBE-ODHIR për të çështje. Mbledhja e ditës së së sotme për këto qëndrime nuk vazhdoi. Ndërkohë, ndryshimet kushtetuese kanë ndodhur dhe duhen reflektuar në Kodin Zgjedhor, por duke pasur dakordësi të palëve. Ndërsa, mënyra se si do të garojnë palët në raport me koalicionet nuk është dakordësuar akoma”, tha Kume.
Për Kumen, drafti i sotëm i propozuar nga mazhoranca, lejohet që disa parti mund të formojnë një grup të tyren, që mund të quhet një koalicion, por për tu regjistruar në KQZ duhet të jetë vetëm një parti e vetme.
Kume shtoi se në këtë pikë kur palët e kanë çuar çështjen në një ngërç duhet një këshillim ose ndërhyrje nga ndërkombëtarët.
“Njëra palë nuk pranon propozimet dhe pala tjetër po ashtu, dhe jemi në kushtet e një krize ku po kërkohet ndihma e OSBE-ODHIR. Unë do të thoja se do të ishte e pëlqyeshme që të kishim ndërhyrjen e ndërkombëtarëve për të zgjidhur këtë ngërç, që në fakt ka një zgjidhje formale, por është e padëshirueshme, se mazhoranca i ka votat për ta kaluar”, shtoi ai.
Diskutime rreth kësaj post