Çfarë po ndodh? Kaos në doganën e Kakavijës, radhë ta gjata qytetarësh

Në pikën kufitare të Kakavijës janë krijuar radhë të gjata qytetarësh që presin të kalojnë drejt Greqisë. Ata presin realizimin e tamponit të COVID-19 që t’iu lejohet kalimi.

Makinat e qytetarëve janë varg prej 2 kilometrash.

Kjo vjen pasi vendi fqinj e ka vënë me detyrim tamponin për qytetarët që lejohet të kalojnë, të cilët janë shtetas grekë, shtetas shqiptarë e të huaj me leje qëndrimi greke dhe minoritarë me kartën përkatëse.

Kujtojmë se pikat e kalimit të Kakavijës dhe Kapshticës janë të mbyllura nga ora 22:00 deri në orën 06:00 që prej 6 gushtit në hyrje dhe në dalje të Greqisë.