Numri dy i PS, Taulant Balla e ka nisur fjalën e sotme në foltoren e Kuvendit duke treguar se gjendja shëndetësore e deputetit Enver Roshi, i cili doli pozitiv me COVID-19, është tepër e rënduar.
Balla teksa bëri të ditur se Roshi është në gjendje të rëndë për jetën dhe po kalon një situatë tepër të vështirë bëri thirrje për vendosjen e maskës për të parandaluar përhapjen e virusit. Nisur nga debatet në Kuvend me Alimadhin për vendosjen e maskë, Balla iu drejtua deputetit duke i thënë se ata duhet të jenë shembull për gjithë shqiptarët.
Teksa fliste, nga vendi i tij ndërhyri deputeti Ardiatik Alimadhi, të cilit i tha se duhet të kishte dëgjonte, pasi ai kishte kaluar të njëjtën gjë me COVID-19.
Balla: njëri prej kolegëve tanë të nderuar, Enver Roshi, sot është në një gjendje të vështirë shëndetësore në përballje me COVID. Më falni… unë nuk kam parë njeri si ty.
Hysi: Zoti Alimadhi mos shpenzoni kohën!
Balla: Njeri si ti nuk kam parë. Po flas për një koleg që po kalon në të njëjtën situatë që ke kaluar ti. Mos i ktheni përgjigje zoti Murrizi. Zotëria s’ka faj. Por s’mund të shkelë të drejtën time për të folur! Harroje se një ballist mund të më pengojë që të shpreh idetë e mia.
Diskutime rreth kësaj post