Fifi është komentuar shumë për format e saj trupore për të cilat nuk ka pasur kurrë komplekse të flasë hapur dhe të përcjellë mesazhe mjaft domethënëse për të gjitha vajzat që mendojnë se dukja ka më tepër rëndësi se ajo çka ato zotërojnë me zemër e mendje.
Megjithatë, kohët e fundit, autorja e hiti “Zhurëm” ka nisur rrugën e gjatë të ndryshimit, pasi ka vendosur të humbasë disa kilogramë dhe kjo për shkak të shëndetit. Ajo ka treguar në intervista të ndryshme se kilogramët e tepërt po i sillnin probleme serioze shëndetësore.
Ditën e sotme Fifi ka postuar një foto me rroba banjo nga plazhi, ku vihet re dukshëm ndryshimi që i ka shkaktuar humbja në peshë. Tashmë ajo duket si tjetër njeri, shumë e bukur, ndonëse dukej një yll edhe më parë.
Këngëtarja ndodhet në Ksamil ku po kalon disa ditë të mira pushimi, teksa po shijon edhe suksesin e këngës së saj të fundit në bashkëpunim me Young Zerkën të titulluar “Pa gajle”.
Diskutime rreth kësaj post