“Rama provon lojë të pistë”, Basha: Ne po punojmë për daljen nga kriza

Kryetari i Partisë Demokratike, Lulzim Basha është takuar sot me disa punonjës të një fasonerie në zonën e Kombinat. Ndërkohë, Basha shprehet në faqen e tij zyrtare në “Facebook”, se kryeministri Edi Rama “provon çdo lojë të pistë politike për të hequr vëmendjen nga dështimi i tmerrshëm në menaxhimin e pandemisë dhe nga kriza ekonomike, që shqiptarët po e vuajnë çdo ditë dhe që po zbraz xhepat e tyre.”

Kryedemokrati shprehet se PD nuk luan lojë politike, por po punon çdo ditë për nxjerrjen e vendit nga kriza ku e ka zhytur qeveria “Rama”.

Postimi i Bashës:

“Edi Rama po provon çdo lojë të pistë politike për të hequr vëmendjen nga dështimi i tmerrshëm në menaxhimin e pandemisë dhe nga kriza ekonomike, që shqiptarët po e vuajnë çdo ditë dhe që po zbraz xhepat e tyre.

Sot gjatë bisedës që zhvillova me punonjës të një fasonerie në zonën e Kombinati, folëm për planin se si të dalim nga kjo krizë e thellë dhe të shpëtojmë ekonominë dhe shëndetin e njerëzve. Ne nuk luajmë lojëra politike, ne po punojmë çdo ditë për nxjerrjen e vendit nga kriza ku e ka zhytur RAMAVIRUSI.” – ka shkruar Basha.