Ish-deputetja e PD-së Grida Duma komentoi reformën zgjedhore e cila ende nuk po bën bashkë palët. Duma thotë se Rama po mendon të kapë çfarë të kapi. Në fillim me administratën zgjedhore e tashmë me KQZ-në.
Ajo shprehet se kryeministri i vendit nuk mund të dalë kundër partnerëve ndërkombëtarë, BE-së dhe ShBA-së të cilët patën dhe një rol kryesor në këtë reformë.
“Ajo që po rrezikohej në këtë tryezë në ditët e para ishte që dhe komisionet zgjedhore të bëheshin nga administrata publike, pra të kishim një kthim prapa. Se askush nuk dyshon që administrata të ishte e depolitizuar. Kjo qeverisje e ka shkatërruar administratën pasi ka futur njerëz politik. Hyjmë në zgjedhje me një tjetër premtim, ditën e dytë thyejmë çdo premtim dhe themi që ishte premtim zgjedhor.
Kjo duhet të mbarojë një orë e më parë. Kjo nuk u arrit dhe qartësia jonë që Rama donte të kapte reformën zgjedhore u lexua qartë në publik. Po fillonte frika e Ramës. Tani vijon me KQZ. Në 30 vite tranzicion KQZ ka qenë gjithmonë e balancuar. Tani kërkojnë që deputetët e Partisë Socialiste të zgjedhin KQZ-në. Nuk bëhet, ose do jetë e balancuar ose nuk ka. Rama duhet të kuptojë që nuk mund të jetë kundër ShBA-së dhe BE-së. Po bën një gabim të madh nëse po mendon ti vendoset kundër ShBA-së”, tha Duma për Ora News.
Diskutime rreth kësaj post