Ngjela del me paralajmërimin e frikshëm për temën e nxehtë politike: Nëse ndodh kjo, do shpërthejë një luftë historike shqiptare

Avokat Spartak Ngjela përmes një postimi në rrjetet sociale ka ngritur një pyetje të rëndësishme për një temë të nxehtë sikurse është opsioni i shkëmbimit të territoreve në raportin e bisedimeve Kosovë Serbi.

Ngjela shkruan se kjo nuk do të ndodhë pasi përndryshe në Kosovë do të plasë luftë.

“A mund të qëndrojë më opsioni i shkëmbimit të territoreve në raportin e bisedimeve Kosovë – Serbi?

Jo, ky është një opsioni i vdekur. Arsyeja kryesore është fakti që shqiptarët e Kosovës u bashkuan si një trup kundër kësaj mundësie, dhe të gatshëm për të mbrojtur trojet e tyre mijëravjeçarë.

Po a mund të ketë më kthim mbrapa për këtë çështje?

Jo, nuk mund të ketë një kthim mbrapa, sepse po të vendoset shkëmbimi i territoreve në axhendën e bisedimeve Kosovë – Serbi, në Kosovë shpërthen një luftë historikë shqiptare për mbrojtjen e kufijve historikë.

Nuk është aq e thjeshtë kjo luftë: në Kosovë ju garantoj se do të përsëritet sërisht Lufta e Vlorës.

Madje kuptohet se në Prishtinë ka shkuar ndërkohë dhe Avni Rustemi, sepse, kur ai vrau tradhëtinë, aktivist i Kosovës ka qenë dhe, më pas, edhe deputet i saj.”, – shkruan Ngjela.