Gjendja në Maqedonënë e Veriut vazhdon të jetë e rëndë, numri i personave të infektuar vazhdon të rritet me ritme të shpejta, po ashtu edhe personave që humbinj jetën është në rritje.
Pas këtyre shifrave të larta qeveria ka marrë vendimin e menjëhershëm, ndërkohë duke vendosur ndalim qarkullimi 80 orësh për qytetet e komunat më të prekura.
Që të enjten në mbrëmje u vendos ndalim qarkullimi, i cili përfundon në orën 5 të mëngjesit të hënën.Për pjesën tjetër të vendit vlen ndalimi i qarkullimit natën.
Një ndalim i plotë i lëvizjes është vendosur në Shkup, qytetin industrial Stip dhe disa zona të banuara me shumicë shqiptare.
“90% e rasteve të Coronës vijnë nga 15 familje”
Ekspertët e lidhin shpërthimin e valës së re të pandemisë me rastet e reja në një fabrikë ëmbëlsirash, si edhe me takimet familjare përgjatë festës së Bajramit pas përfundimit të muajit të Ramazanit. 90% e rasteve të Coronës vijnë nga 15 familje, ka thënë ministri i Shëndetësisë, Venko Felipce.
Infektimet vijnë si pasojë e mosrespektimit të rregullit për mënjanimin e grupimeve me njerëz. Por kjo valë për shkak të shtimit të testimeve do të vendoset shpejt nën kontroll, është shprehur Filipce.
Në Maqedoninë e Veriut deri të dielën kanë qenë të regjistruar 2915 vetë me virusin Sars-CoV-2. Deri më tani kanë humbur jetën 151 vetë.
Diskutime rreth kësaj post