Gazetari investigativ Artan Hoxha ka folur për Komitetin Teknik për koronavirusin. Hoxha shprehet se ata janë aq të fshehtë dhe të mistershëm sa askush nuk mund ti dekonspirojë.
“Ky Komiteti i Ekspertëve anti-covid19, po mbahet aq sekret dhe po mbrohet me aq fanatizëm nga qeveria, sa të jep përshtypjen se po u dekonspirua Komiteti, do të rrëzohet qeveria. Duket si Komiteti “Shqiperia e Lirë”, që e formoi CIA në 1949-ën, me shqiptarët e diasporës, dhe të arratisurit nga vendi pas ardhjes në pushtet të komunistëve.
Në fakt Komitetin “Shqiperia e Lirë”, CIA e formoi, e financoi, i stërviti pjestarët më të aftë të tij dhe i parashutoi mbi territorin shqiptar, për të rrëzuar rregjimin komunist të Enver Hoxhës. Pavarsisht se ishte agjensia e inteligjencës Amerikane, shërbimi më i fortë i botës, doli një agjent i brendshëm si Kim Filbi, dhe ua shiti gjithë sekretet shqiptarëve.
Ndryshe nga Komiteti “Shqiperia e Lirë” që u formua të shembte rregjimin në Shqipëri, Komiteti i Ekspertëve, duket se ka për detyrë të mbaj në këmbë pushtetin dhe të mbroj qeverinë Rama nga opozita dhe sabotatorët.
Ky komitet ekspertesh, edhe pse i përbërë me emra mjekësh dhe jo agjentësh sekret, ka rezultuar deri tani aq i fshehtë dhe i mistershëm, sa nuk po gjendet asnjë “Kim Filbi” ta dekonspirojë”, – tha Artan Hoxha.
Diskutime rreth kësaj post