“Meta po fshihet pas fustanit të Bashës”, Ralf Gjoni nxjerr emrat: Ja kush ka frikë nga ndryshimi i sistemit

Deputeti Ralf Gjoni ka komentuar reagimin e liderëve politikë në vendin tonë për Reformën Zgjedhore. Gjoni tha se opozita parlamentare ka kontribuar për kauzën e ndryshit të Sistemit Zgjedhor duke nënvizuar se parësore për të është hapja e listave dhe shtoi se frikë nga ndryshimi kanë tre bajraktartët e partive politike.

“Së pari dua të them se bashkëpunoj shumë me grupin demokrat por bëj pjesë tek grupi i pavaruar. Propozimi im mbështet nga Nisma Thurje dhe nga 50 mijë firma të qytetarëve shqiptarë. Janë tre propozime zyrtare për ndryshimin e sistemit dhe për hapjen e listave zgjedhore. Kemi mbi 1 vit që ne jemi në parlament dhe opozita është riformuar në parlament. Pavarsisht baltës që është hedhur për ne, e verteta po rezulton krejt ndryshe.

Meriton një njohje të kontributit tonë në parlament që kemi arritur të bllokojmë një paçvaure që maxhoranca do të kalojë në parlament për Refromën Zgjedhore. Nuk është fare e vërtetë, vota jonë nuk ka qenë dhe nuk do të jetë në favor të asnjë palo Reformë që nuk përfshin ndryshimin e sistemit që për mua parësore është hapja e listave zgjedhore. Nuk ka votë të ndershme, ekziston vetëm liria dhe barazia të votosh atë deputet që ti do të dërgosh në parlament.” – tha Gjoni.

Më tej deputeti tha emrat kush ka frikë nga ndryshimi i sistemit zgjedhor.

“Frikë kanë tre bajraktarët e partive politike. Nuk kam frikë ti them me emra Sali Berisha është i pari Edi Rama është i dyti dhe këto të dy gatuan në 2008 masakrën elektorale. Ilir Meta mua po më habit aktualisht jam i zhgënjyer dhe i habitur nga mos reagimi i LSI për ndryshimin e sistemi zgjedhor, dhe po fshihet pas fustanit të Lulzim Bashës dhe të PD-së e cila fatkeqësisht sa po vjen dhe po reduktohet në mbështetje dhe në numra. Nuk e kuptoj heshtjen e LSI-së në këtë momente për ndryshimin e sistemit. Heshtja më bën të besoj që Ilir Meta, Monika Kryemadhi dhe LSI aktuale është në favor të mos ndryshimit të sistemit dhe kjo është katastrofike për Shqipërinë. Të vetmit aktor që kanë dashur ta ndryshojnë dhe e kemi bërë kauzë dhe hapjen e listave jemi ne opozita në parlament dhe fatmirsisht edhe faktori ndërkombëtar që kanë dalë hapur publikisht siç është dhe faktori ndërkombëtar.” – tha ai.