Aleati i Lulzim Bashës, Nard Ndoka shprehet se do të jetë dramë kombëtare nëse në zgjedhjet e radhës koalicioni opozitar me në krye Lulzim Bashën nuk fiton.
Sipas tij, kjo qeveri është në kufi të pamundësisë për të qeverisur sot dhe jo më të jetë një shpresë për të ardhmen. Ndoka shprehet se rotacioni duhet të ndodh patjetër.
“Rotacioni politik është i pashmangshëm. Në zgjedhjet e kaluara Rama humbi, por vodhi zgjedhjet. Rëndësia e votës së lirë është mjaft e rëndësishme, kemi një mazhorancë që qeveris me vota të blera dhe rotacioni duhet të ndodh patjetër. Do të jetë një dramë kombëtare nëse nuk ndodh, kjo qeveri është në kufi të pamundësisë për të qeverisur sot dhe jo më të jetë një shpresë për të ardhmen.
Opozita duhet të ofrojë platformën e saj politike si të ndihmojë dhe mbështesë qytetarët. Kjo është dhe detyra e saj. Në një kohë krize globale kryeministri gjen kohën për të shikuar mundësinë e legalizimit të kanabisit, agjendën e tij ai e ka në mbështetjen e kriminelëve dhe e kupton që e ka humbur mbështetjen qytetare”, tha Ndoka për Report Tv.
Diskutime rreth kësaj post