Deri në këto momente në Gjermani janë 55,000 njerëz të infektuar nga virusi, i cili ka marrë më shumë se 400 jetë në vend. Lidhur me këtë situatë, Lothar Ëieler, presidenti i Institucionit Robert Koch (RKI), beson se është e mundur që spitalet gjermane të arrijnë kufijtë e kapaciteteve të tyre për shkak të përhapjes së koronavirusit.
Në lidhje me shkallën e ulët të vdekshmërisë në Gjermani, ai tha se kjo ishte kryesisht për shkak të faktit se një numër i madh testimesh po kryheshin, por gjithashtu paralajmëroi se ky mund të ishte një iluzion.
“Situata si në Itali është e mundur në Gjermani,” theksoi Ëieler, duke deklaruar se ai nuk mund të përjashtonte mundësinë që do të kishte më shumë pacientë se sa kishte respiratorë.
Fakti që pandemia në Gjermani, në krahasim ndërkombëtar, është relativisht më e butë mendohet të jetë për shkak të popullsisë së atyre që janë të sëmurë.
“Në Gjermani, njerëzit jo të rrezikuar u prekën së pari nga virusi, pasi shumë në zinxhirin e transmetimit të virusit ishin për ski, për shembull.
Nëse ai transmetohet në shtëpitë e infermierëve dhe spitalet, ekziston rreziku që proporcioni i grupeve në rrezik të rritet”, theksoi udhëheqësi i RKI.
Diskutime rreth kësaj post