Europa është kontinenti më i prekur nga koronavirusi, pandemia po përparon me një shpejtësi të frikshme

Janë mbi 10 mijë viktima nga koronavirusi në Europë, sipas të dhënave të përcjella nga “AFP”-ja.

Në total janë 10.058 njerëz që kanë humbur jetën në Europë nga pandemia që ka pllakosur botën. Shumica e tyre janë në Itali, 6077, ndjekur nga Spanja me 2182 dhe Franca me 860 viktima.

Me 184.138 raste të prekurish nga Covid-19, Europa është kontinenti ku pandemia po përhapet më shpejt se në çdo kontinent tjetër.