Infektologu Valbon Krasniqi ka folur për përhapjen e koronavirusit në Kosovë. Krasniqi ka thënë në emisionin “Pressing”, në televizionin T7, se ngrohja e motit në vend mund të jetë një armë në mposhtjen e virusit vdekjeprurës që origjinën e ka nga Kina.
“Me ngritjen e temperaturave, 20-25 gradë, shpresojmë se do të bie intensiteti i përhapjes”, – ka deklaruar Krasniqi.
Ai ka thënë se fakti se shumica e popullsisë së Kosovës është e moshës së re iu jep mjekëve shpresë në luftën me koronavirusin.
Infektologu ka porositur qytetarët e vendit që t’i dëgjojnë këshillat e Institutit Kombëtar të Shëndetësisë Publike të Kosovës: të evitojnë daljet jashtë, dhe të qëndrojnë nëpër shtëpitë e tyre.
Diskutime rreth kësaj post