31-vjeçari i prekur me koronavirus ka folur për mediat. ”Të premten kontaktova urgjencën, pas rastit të Lushnjës. Shkova në spital privat dhe ata më çuan tek infektivi.
Kam 36 orë në spitalin infektiv dhe vetëm një doktor ka ardhur për të më parë. Dje doktori nuk më ka dhënë asnjë përgjigje të rezultatit të analizave”, shprehet ai për Ora News.
Një 31 vjeçar i cili ka ardhur nga Milano dhe ndodhet i izoluar tek infektivi në një lidhje telefonike ekskluzive për Ora News shprehet i shqetësuar për situatën.
Ministria e Shëndetësisë konfirmoi dje se një djalë 31 vjec ng Tirana i cili kishte udhëtuar nga Milano, kishte rezultuar pozitiv ndaj koronavirusit.
Djaloshi vetë thotë se asnjë nga mjekët nuk i ka komunikuar atij rezultatet vetëm e kanë vendosur në të njëjtin vend me ata që kanë dalë pozitiv nga koronavirusi.
“S’kam asnjë përgjigje. Unë jam top, por më ka kapur paniku. Jam trembur për familjarët e mi nuk po i bëjnë tamponët. Kam takuar shumë miq dhe shokë, kam frikë për ta“
Ai tregon se kishte udhëtuar në të njëjtin avion me gruan nga Lushja e cila pak ditë më parë ishte paraqitur në Infektiv dhe menjëherë më pas kishte shkuar vetë me këmbët e tij dhe kishte insistuar per te bere tamponin.
Diskutime rreth kësaj post