Një ditë para tubimit popullor, Presidenti Ilir Meta ka publikuar një video duke u kthyer 30 vite pas në kohë. Meta tregon se si nga ish-drejtuesit kryesorë të Lëvizjes Studentore, Arben Imami e thërriti atë dhe disa studentë të rinj për të shkuar në përballjen finale me kupolën e diktaturës.
Statusi i Metës në Facebook
Kurrë nuk e mendoja se pas 30 viteve do të vinte kjo ditë, që të ftoja më mars të gjithë qytetarët e Shqipërisë, për të mbrojtur fitoren më të madhe të popullit tonë, pluralizmin politik, lirinë dhe demokracinë.
Vetëm paprekshmëria e Kushtetutës dhe ndëshkimi i merituar i puçistëve që e kanë dhunuar atë, do ta mbrojë popullin tonë nga instalimi i një regjimi tiranik njëpartiak dhe kleptokratik.
Po ndaj me ju disa emocione të miat kur një nga ish-drejtuesit kryesorë të Lëvizjes Studentore, Arben Imami më thërriste mua dhe disa studentë të rinj për të shkuar në përballjen finale me kupolën e diktaturës, që u detyrua të pranonte kapitullimin e regjimit më të pashembullt shtypës dhe izolues në kontinent.
Le ta dëgjojë nesër e gjithë bota demokratike thirrjen e popullit shqiptar: E DUAM SHQIPËRINË SI GJITHË EUROPA!
#PërKushtetutën #PërRepublikën #PërShqipërinë #PërKombin #BashkohuEdheTi
VIDEO:
Diskutime rreth kësaj post