Sot palët politike pas rreth 1 viti debatesh e konfliktesh ranë dakord që ta bëjnë sëbashku reformën zgjedhore. Numri 2 i PS-së Taulant Balla, i ftuar pasditen e sotme në studion e “Abc News” tha se kthesën e ka bërë PD-ja, madje e quajti “ndryshim 180 gradë”.
Ai mohoi të ketë patur “deal” (marrëveshje të fshehtë) mes palëve para se të organizohej tryeza.
“Reforma zgjedhore është bërë gjithmonë me konsensus të partive politike, edhe opozita parlamentare është pjesë e këtij diskutimi. Duhen 84 vota për ta miratuar reformën. Procedura parlamentare e involvon kimisionin e reformës që ta kalojë fillimisht draftin e dakordësuar e më pas votimi në parlament. Pra do votohet nga ky parlament që kemi nga mazhoranca dhe besoj edhe nga opozita parlamentare. ndërsa opozita parlamentare besoj do ta ketë rikhimin në kuvend, përmes procesit të zgjedhjeve në 2021”, u shpreh ai.
Diskutime rreth kësaj post