Një i moshuar 94 vjeç ka dhuruar 10 mijë euro për të prekurit nga tërmeti i datës 26 nëntor. 94-vjeçari mori live në emisionin “Shqiptarët për shqiptarët”, ku tha fjalën e tij me këtë rast.
I moshuari u shpreh se ka dhënë pak, kurse shtoi se uron që Zoti t’ju japë më shumë atyre që janë prekur nga tërmeti shkatërrimtar.
“Unë kam dhënë pak.
Zoti t’ju japë më shumë.
Mua kaq vite m’i ka dhënë Zoti.
Të gjithë shqiptarët, kudo që janë në Shqipëri, në Maqedoni, në Mal të Zi, në diasporë e kudo uroj të jenë bashkë, të bashkuar, sidomos në ditë të vështira”, u shpreh i moshuari.
Elvis Naçi dhe Sidrit Bejleri thanë se falënderojnë pa masë 94-vjeçarin për ndihmën e çmuar që ka dhënë për të prekurit nga tërmeti.
Diskutime rreth kësaj post