3 kredi dhe mbi 50 mijë dollarë të ardhura vjetore, ja sa pasuri zotëron kreu i SPAK, Arben Kraja

Drejtuesi e SPAK, Arben Kraja dhe bashkëshortja e tij, e cila punon në Bankën e Shqipërisë i kanë të ardhurat vjetore mbi 50 mijë USD.

Arben Kraja e ka filluar karrirën e tij në organin e akuzës në vitin 1993 dhe prej dy dekakadash ka qenë pjesë e Prokurorisë së Përgjithshme, ku ka drejtuar sektorë të rëndësishëm si task-forca kundër krimit dhe korrupsionit.

Kreu i SPAK Arben Kraja, pasuria për 2019 :

Të ardhura nga paga, 2 449 548 lekë.

Gjendje të llogarive, 320 000 lekë, 14 euro, llogaria e pagës, 243 292 lekë.

Makinë Benz e vitit 1996 ia ka dhuruar vëllait të tij.

Të ardhura nga interesat e obligacioneve, 164 560 lekë.

Të ardhura si ekspert trajnues për dy aktivitete në Kosovë dhe Maqedoninë e Veriut, 103 105 lekë.

Të ardhura si ekspert pranë Shkollës së Magjistraturës, 101 630 lekë.

Të ardhura nga puna e bashkëshortes, Gladiola Kraja, në Bankën e Shqipërisë, 2 552 289 lekë.

Kredi 50 mijë euro e marrë në vitin 2010, shlyer 5 905 euro gjatë vitit 2019.

Kredi në Bankën e Shqipërisë për strehim, 8 000 000 lekë, me afat 30 vjet, marrë në vitin 2018.

Kredi në Bankën e Shqipërisë për mobilim banese, në shumën 2 000 000 lekë, marrë në vitin 2019, me afat 9.5 vjet.