Një përplasje mes një autobusi dhe një kamioni shkaktoi të paktën 13 të vdekur dhe 31 të plagosur jashtë Palm Springs, në Kaliforni, njoftuan dje në mbrëmje autoritetet amerikane.
“Rreth 31 pasagjerë janë transportuar në tri spitale të ndryshme lokale si pasojë e aksidentit, që ndodhi rreth orës 05:00 (12:00 GMT) pranë qytetit jugor të Kalifornisë”, tha zëdhënësi i California Highway Patrolm Jim Abele në konferencë për shtyp.
Shoferi i autobusit ka vdekur.
Sipas Abele autobusi u përplas në pjesën e pasme të kamionit me forcë të madhe.
Personeli i shpëtimit ka hasur vështirësi në nxjerrjen e pasagjerëve nga autobusi, që ishte dëmtuar në një masë të madhe.
Shoferi i kamionit nuk ka pësuar asnjë plagosje.
Autobusi i përket një kompanie të Los Anxhelesit që ofron udhëtime në kazinotë në jug të Kalifornisë.
Diskutime rreth kësaj post