Ndahet nga jeta në moshën 34-vjeçare Ardian Matoshi, i njohur si “Ciga”
Ardian Matoshi, i njohur me nofkën “Ciga”, ka ndërruar jetë në moshën 34-vjeçare në Gjilan.
Matoshi është gjetur pa shenja jete të martën, në shtëpinë e tij në rrugën “Haki Myderizi”. Rasti është iniciuar nga autoritetet si “Hetim i vdekjes”, ndërsa trupi është dërguar në Institutin e Mjekësisë Ligjore për obduksion.
Shkaku i saktë i vdekjes pritet të përcaktohet pas përfundimit të ekzaminimeve mjekoligjore.
Ardian Matoshi ishte i njohur në mesin e tifozëve të Dritës dhe një prej zërave të tifogrupit “Intelektualët”, ku ishte i pranishëm në mbështetje të klubit.
Familjarët kanë bërë të ditur se për kohën dhe vendin e varrimit, si dhe për ceremoninë e të pameve, do të njoftojnë në vijim.
“U prehtë në paqe dhe kujtimi për të qoftë i përjetshëm”, ka deklaruar një familjar.
Diskutime rreth kësaj post