Konstitucionalisti Kristaq Kume tha se përdorimi i teknologjisë në zgjedhje do të aplikohet në dy drejtime kryesore:
“Siç duhet në bazë të asaj, që është fiksuar në Kodin Zgjedhor, në zgjedhjet e ardhshme të 25 prillit, teknologjia e informacionit do të përdoret në dy drejtime. Për të identifikuar zgjedhësit në mënyrë elektronike, dhe e dyta përdorimi në formën projekt-pilot, ku do të përfshihen jo më shumë se 20 % e zgjedhësve, ku do të shikohet se si do të ecë votimi dhe numërimi elektronik”, tha ai për Euroneës Albania .
Ai tha se Komisioni Qendror i Zgjedhjeve ka miratuar udhëzimet përkatëse për këto dy çështje, duke bërë edhe kostot minimale dhe ato maksimale.
“KQZ ka miratuar dy udhëzimet përkatëse për këto dy çështje, po ashtu ka bërë edhe llogaritjet, kostot financiare minimum dhe maksimën, dhe shumë shpejt do të bëhet gara me një procedurë të përshpejtuar. Qeveria duhet të bëjë financimet përkatëse, në mënyrë që mund të realizohet gjithçka dhe të zbatohet ajo që është rëndë dakord në Kodin Zgjedhor”, tha ai.
Sipas Kumes përdormi i teknologjisë në zgjedhjet e 25 prillit do të ulë ngushtimin e hapësirave për votim të shumëfishtë, fenomen ky, i cili ka qenë prezent në zgjedhjet e kaluara në Shqipëri.
“Përdormi i teknologjisë në këto zgjedhje, pritshmëritë për të janë dy: E para, nëpërmjet identifikimit biometrik të zgjedhësve, është ngushtimi i hapësirave për votimin e shumëfishtë, rritje e standardit në votimi. Projektet pilot do të tregojnë sa dhe si jemi të aftë të përdorim teknologjinë në numërimin e votave, pastaj i përdorim këto si argumente lidhur me vendimin që do merren në të gjithë proceset që do bëhen pas zgjedhjeve të 25 prillit’, shtoi ai.
I pyetur se sa funksional mund të jetë përdorimi i teknologjisë në zgjedhje, Kume u shpreh si vijon:
“Nuk kemi pse të themi se gjithçka vihet përpara një pikëpyetje. Ajo që ofron teknologjia e informacionit, për mendimin tim e bën të mundshëm zbatimin e asaj çfarë është synuar në të dyja ato aspekte, që në thamë. Nuk jemi ne të parët që e përdorim, pasi në shumë vende të botës janë kthyer në rutinë. Përdorimi i kësaj teknologji siç është fiksuar në Kodin Zgjedhor, nuk ka të bëjë me atë që e qytetarët e konsiderojnë si votim elektronik, është përdorimi i kësaj teknologjie në cikël të mbyllur dhe mundësitë për ndërhyrjet nga jashtë janë të kufizuara.”, shtoi ai.
Diskutime rreth kësaj post