Avokati Spartak Ngjela ka komentuar lëvizjet politike të kohëve të fundit, Avokati theksoi se kandidatët e kanë shumë të vështirë të pranojnë kandidimin për shkak se duhet të kalojnë në filtrat e justifikimit të pasurisë.
“Nuk kanë substancë sepse palët janë të shqetësuara. Në një krah kemi arsyen e politikës amerikane që del nëpërmjet ambasadores amerikane në Tiranë, në lidhje me anti-korrupsionin dhe strukturimin e Byrosë Kombëtare të Hetimit dhe nga ana tjetër kemi një sipërmarje fallco të zgjedhjeve të 2021-shit. Them fallco sepse do të jetë shumë i rreptë kontrolli i vetingut të kandidatëve.
Është shumë e vështirë të pranojnë kandidatët me vetingun që është vendosur kundër tyre. Megjithatë politika e madhe që na përkrahë në Reformën Anti-Korrupsion, e ka synimin tek liderët aktual, ish-kryeministrat, ish-ministrat, ministrat aktual. Nuk duhet të nxitohemi për të dhënë një konkluzion pasi e shoh që gjithë kjo sipërmarrje ka një fallsitet brenda, bëjnë sikur. Të shohim çdo të bëjë politika amerikane me Byronë Kombëtare të Hetimit, e cila është shpresa anti-korrupsion. Të shohim çdo të bëjë Byroja Kombëtare e Hetimit”, tha Ngjela për FaxNews.
Diskutime rreth kësaj post