Lufta Izrael-Gaza po “ia heq fokusin” konfliktit në Ukrainë, ka pranuar presidenti ukrainas Volodymyr Zelensky. Ai tha se ky ishte “një nga qëllimet” e Rusisë, që nisi pushtimin e plotë të Ukrainës në shkurt të vitit 2022, transmeton Telegrafi.
Zelensky mohoi pretendimet se luftimet në Ukrainë kishin arritur në një ngërç, pavarësisht një vlerësimi të fundit për këtë nga gjenerali më i lartë ushtarak i vendit.
Kundërofensiva e Ukrainës në jug deri më tani ka bërë pak avancim.
Kjo ka nxitur frikën e lodhjes nga lufta në mesin e aleatëve perëndimorë të Kievit, me sugjerime për ngurrim në rritje në disa kryeqytete për të vazhduar furnizimin e Ukrainës me armë të avancuara dhe fonde.
Duke folur në konferencën e së shtunës në Kiev me Presidenten e Komisionit Evropian, Ursula von der Leyen, Zelensky tha: “Është e qartë se lufta në Lindjen e Mesme po ia heq fokusin” Ukrainës.
Ai tha se Rusia donte që ky fokus të “dobësohej”, por theksoi se “gjithçka është në fuqitë e tyre”.
Diskutime rreth kësaj post