“Zef Deda aktori më i dobëti”, Cekja pyetet për humoristin më të mirë dhe më të dobët

Aktori i mirënjohur Cekja ishte i ftuar mbrëmjen e djeshme në “Shiko Kush LUAN” me autore dhe moderatore Luana Vjollcën.

Pyetjes “Ndaje ose Kovën” iu bashkua edhe aktori i humorit të cilit iu drejtua kjo pyetje:

“Ceke si humorist me shumë vite karrierë, cilin do të konsideroje si humoristin e ri shqiptar më të talentuar dhe cilin si më pak të talentuar. Ndaj me ne dy emra në “Shiko Kush LUAN” ose kovën…”

Edhe pse Cekja ka ngurruar paksa në përgjigjen e tij dhe fillimisht ka thënë emrin e Rezart Veleshnjës, kapitenit të skuadrës blu, ndonëse ky emër nuk është pranuar duke qenë se është rregull i lojës, humoristi ka thënë:

“Gaz Paja si humorist i ri i talentuar dhe më pak i talentuar Zef Deda se e kam shok”.

E kështu Cekja i Beratit i shpëtoi kovës me oriz që e priste…