Kurbini po kthehet frikshëm në një vatër të nxehtë të koronavirusit në vend. Ministria e Shëndetësisë ka bërë sot me dije se vetëm në këtë zonë, në 24 orët e fundit janë testuar pozitive me koronavirus 12 persona.
Bëhet me dije se të infektuarit me COVID 19 janë punonjës të një fasonerie në Krujë. Pas rastit të parë të identifikuar, duket se rrethi i të prekurve u zgjerua, pasi testimet e fundit shënuan 12 të prekur.
Punonjësit e bënin rrugën çdo ditë vajtje-ardhje me autobus. Në total, vetëm sot në vend u shënuan 22 raste te reja.
Ministria e Shëndetësisë njoftoi sot se “vijon hetimi epidemiologjik dhe gjurmimi i kontakteve në vatrën e Krujës ku kanë rezultuar pozitivë 5 persona dhe në Kurbin ku kemi 12 raste të reja”.
Me shifrat e sotme, ne Kurbin numri i te prekuve arrin ne 19 persona.
Diskutime rreth kësaj post