Pas vendimit të Ramush Haradinajt për dorëheqje të parevokueshme nga pozita e kryeministrit, ish deputeti i Kosovës, Adem Salihaj, thotë se ishin pikërisht Hashim Thaçi dhe Kadri Veseli që ia përsëritën skenarin e mëhershëm Haradinajt për të u dërguar në Hagë.
Salihaj përmes një postimi në Facebook, shprehet se, kjo qeveri ishte në prag të rënies, pasi parlamenti ishte i bllokuar dhe u shkelën ligjet dhe kushtetuta.
Edhe pas kësaj ngjarje Salihaj jep lajmin e mirë, e kjo është shkuarja në zgjedhje.
“Lidhja Demokratike e Kosovës dhe Vetëvendosja nuk duhet t’i bëjnë gabimet e së kaluarës, duhet të bëjnë koalicion parazgjedhor, sepse vetëm në këtë mënyrë mund të nxirret Kosova nga humnera ku e kanë hedhur këta”, shkruan Salihaj, transmeton gazeta “Bota sot”.
Ai i quan zëra të SHIK-ut dhe PDK-së ata që thonë se LDK dhe LVV duhet të shkojën ndaras në zgjedhje, sipas tij, koalicioni parazgjedhor LDK-LVV do të krijonte eufori për fitore.
Ja postimi i plotë:
“Po përsëritën skenarët e mëhershëm, Ramushi sërish dërgohet në Hagë me skenar të përbashkët të Hashim Thaçit dhe Kadri Veselit. Gjithsesi, kjo qeveri ishte në prag të rënjes, parlamenti ishte i bllokuar që nga fillimi, u shkelën ligjet dhe kushtetuta, asnjëherë Kosova nuk ishte në gjendja kaqë të keqe.
Lajmi i mirë është se Kosova do të shkojë në zgjedhje. Lidhja Demokratike e Kosovës dhe Vetëvendosja nuk duhet t’i bëjnë gabimet e së kaluarës, duhet të bëjnë koalicion parazgjedhor, sepse vetëm në këtë mënyrë mund të nxirret Kosova nga humnera ku e kanë hedhur këta.
Zërat se LDK dhe VV duhet te shkojnë në zgjedhje ndaras, janë zëra të porositur dhe koordinuar nga SHIK-u dhe PDK-ja. Koalicioni parazgjedhor LDK-VV do të krijonte eufori për fitore dhe do të krijonte mundësi të mëdha që qeveria të krijohet nga një shumicë shqiptare e të mos varet nga votat e serbëve të dirigjuar nga Beogradi”.
Diskutime rreth kësaj post