Sekretari për çështjet zgjedhore në PD shprehet se Partia Demokratike është e gatshme të bashkëpunojë për një reformë përfundimtare zgjedhore në vendin tonë në parlament.
“Palët në kuadër të një ushtrimi parlamentar të ndalen dhe të bëjnë gjetjet e procesit problematik, të analizojnë përfundimet e raportit OSBE- ODIHR dhe të vendosin bashkërisht”, u shpreh z. Kaso.
Sekretari për çështjet zgjedhore i Partisë Demokratike tha se reforma zgjedhore duhet të garantojë standarde që sipas tij, në zgjedhjet e fundit nuk janë arritur. Kaso shtoi se OSBE- ODIHR një pikë të raportit thekson që është e domosdoshme që zgjedhjet të pasohen me një reformë të re zgjedhore.
Sipas Ivi Kasos, marrëveshja e 5 qershorit u shkel nga mazhoranca, e cila ndryshoi Kodin Zgjedhor e vetme në aspekte që sipas tij influencuan dhe deformuan rezultatin e procesin zgjedhor.
“Ashtu siç vërtetohet nga vendimi i fundit i Gjykatës Kushtetuese”, tha Ivi Kaso për Euro News Albania.
Gjykata Kushtetuese ka shfuqizuar nenet e Kodit Zgjedhor që përcaktojnë herësin dhe shpërndarjen e mandateve.
Diskutime rreth kësaj post